ފަލަސްތީނުގައި ޣައްޒާގެ އާންމު ރައްޔިތުންނާ ދެކޮޅަށް އިޒްރޭލުން ހިންގަމުން އަންނަ ގަތުލުއާމަށް މަހެއްހާ ދުވަސް ވަނީ އެވެ. ކޮންމެ ދުވަހަކު އެތައް ސަތޭކަ ކުޑަކުދިން ގެންދަނީ ޝަހީދު ކޮށްލަމުންނެވެ. ޣައްޒާގެ އާންމު ރައްޔިތުންނާ ދެކޮލަށް އިޒްރޭލުގެ އިސްތިއުމާރީ ސިފައިން ފަށައިގެން ކުރަމުންދާ ހަނގުރާމަ އަށް މަހެއް ފުރިހަފައިވާ އިރު 12000 އަށް ވުރެ ގިނަ މީހުން ވަނީ ޝަހީދު ކޮށްލައިފަ އެވެ.

އެކާވީސް ވަނަ ގަރުނުގައި މިހާތަނަށް ސަރުކާރަކުން ހިންގާ އެންމެ ބޮޑު ގަތުލުއާންމާ ދެކޮޅަށް އަހަރުމެންނަށް ކުރެވޭނީ ކޮން ކަމެއްތޯ އެއީ ވަރާށް ގިނަ ބަޔަކު އުފައްދަމުން އަންނަ ސުވާލެކެވެ. ސޯޝަލް މީޑިއާގައި މި ވާހަކަތައް ދައްކައި ކަންބޮޑުވުން ފާޅު ކުރުމުގެ އިތުރުން ކުރެވިދާނެ އެތައް ކަމެއް އެބަހުއްޓެވެ.

އެންމެ ގަދަ އަށް ދުނިޔޭގައި ފަށާފައިވާ އެއް މޫވްމަންޓަކީ ބޮއިކޮޓް އިޒްރޭލް ޕްރޮޑަކްސްގެ މުވްމަންޓެވެ.

މި މައްސަލައަކީ ދިވެހިންގެ ހިތާވެސް ވަރަށް ގާތް މައްސަލައެކެވެ. އެހެން ނަމަވެސް އަހަރުމެންގެ ތެރޭގައި ވެސް އެތައް އިޒްރޭލަށް ފައިދާވާ އަދި ފައިސާ ވަންނަ އެތައް ޕްރޮޑަކްޓެއް ބޭނުން ކުރެވެ އެވެ. އަދި ހިފާފައިވާ ފަލަސްތީނުގެ ބިމުގައި ހިންގާ ބައެއް ކުންފުނިތައް ވެސް އެބަހުއްޓެވެ. އިޒްރޭލް ބޮއިކޮޓް މޫވްމަންޓުގެ ބޭނުމަކީ މި ކުންފުނިތަކަށް މާލީގޮތުން ދަތި ކުރުމެވެ. ޕްރެޝާ ކުރުމެވެ. އަދި ދުނިޔޭގެ އެތައް ގައުމެއްގައި ވަރަށް ކާމިޔާބުކަމާއެކީ ކުރަމުން އަންނަ ވެސް ކަމެކެވެ.

އެހެންކަމުން މިއީ ރާއްޖޭގައި އާންމުކޮށް ބޭނުންކުރާ ޕްރޮޑަކްޓުތަކުގެ ތެރެއިން ސީދާ އިޒްރެއިލްގެ ޕްރޮޑަކްޓުތައް ނުވަތަ ފަލަސްތީނާ ދެކޮޅަށް މަސައްކަތް ކުރާ ޕްރޮޑަކްޓުތަކުގެ ލިސްޓެވެ. އެ ބްރޭންޑުތަކާއި އެ ފަރާތްތަކުން ކޮންޓްރިބިއުޓޤ ކުރާ ގޮތް ވާނީ ކިހައިދީފަ އެވެ.